Gætið ykkar bílstjórar.

Það er dýrt að fá þungasektir og það getur margborgað sig að athuga með þungatakmarkanir áður en lagt er í hann. Pundararnir fara víða í svona árferði og aldrei að vita hvar þeir dúkka upp.

Þungatakmarkanir á vegum

Gott

Gott að sjá að það eigi að fara að byrja á þessu. Mér lýst samt ekki nógu vel á að hringtorgin tvö sem eru þarna með nokkur hundruð metra millibili eigi að halda sér. Ég vil sjá þarna ein mislæg gatnamót og tengiveg sem sameinar þessi tvö hringtorg. Það segir sig sjálft að mesta öryggið er falið í því að hafa gatnamótin sem fæst.

Undirbúa tvöföldun Suðurlandsvegar

Pólitískur refur

Mér sýnist Sigmundur Davið ætla að sýna það strax í upphafi hversu mikill refur hann er í pólitík. Nú er Framsóknarflokkurinn í lykilaðstöðu og hann ætlar sér að nýta það út í æsar.  Með því að taka ekki þátt í stjórnarsamstarfi núna en styðja minnihlutastjórnina til góðra verka er hann að auka hróður sinn og flokksins verulega. Ég spái því að í kosningum í vor vinni Framsóknarflokkurinn stórsigur og Sigmundur Davíð verði jafnvel forsætisráðherra.

Skýrt umboð aðalatriðið

Förum varlega...

í hálkunni. Vonandi fer þetta allt vel.

Hellisheiði lokuð vegna slysa við Hveradali

Mér finnst...

að þessar skreytingar eigi að fá að standa og auglýsa eftir listamanninum til að fá hann til að mála fleiri ruslatunnur og þessháttar smáhluti um borgina. Það yrði kannski til þess að fólk myndi nota ruslaföturnar en ekki henda ruslinu út um allt.

Ruslatunnur í sparifötum

Gleðilegt nýtt ár

Megi nýtt ár færa öllum betri tíð með blóm í haga.

Gleðilegt nýtt ár

Ætli maður hafi það af.....

að bíða einni sekúndu lengur en venjulega? jú, líklega, maður er búinn að bíða það lengi eftir áramótum að ein sekúnda ætti ekki að skipta miklu máli.

 

Áramótunum seinkar

Gott....

að þetta er ekki vandamál og kannski sjáum við meiri verðlækkanir í ljósi hríðlækkandi heimsmarkaðsverðs.

Olíuinnkaup ganga hnökralaust

Snjór og hálka

Þó fyrsti vetrardagur sé ekki fyrr en á laugardaginn er veturinn samt kominn. Hálka og slabb alla leiðina milli Reykjavíkur og Selfoss í dag. Setti nagladekkin undir bílinn hjá tengdó á sunnudaginn og undir jeppann hjá mér í kvöld. Á morgun förum við svo með bílaleigubílinn sem við erum með í vinnunni og fáum snjódekk undir hann. Hika ekki við að brjóta lögin í þessum efnum ef ástæða er til.  Á mánudagsmorguninn sáum við einn bíl á nefinu úti í skurði í Ölfusinu og tvo útaf uppi á heiði. Í síðustu viku voru þrír útaf á heiðinni einn morguninn og í kvöld voru tveir útaf á leiðinni. Reynum endilega að halda okkur á veginum og ökum varlega.

Snjókoma á Hellisheiði og Þrengslum

Veturinn snemma á ferðinni

Það virðist vera að veturinn ætli að vera snemma á ferðinni í ár. Kannski hægt að líkja því saman við veturinn í fjármálaheiminum sem virðist ætla að verða ansi harður. Það kæmi sér svo sem ágætlega fyrir mig og þann vinnuflokk sem ég er í þessa dagana að hafa frost á næstunni, en snjó, nei ég held ekki. Ég vona að allir þeir sem í umferðinni eru beri gæfu til að aka eftir aðstæðum og ofmeti ekki eigin getu eða ökutækja sinna. Slíkt kann ekki góðri lukku að stýra.

Hrina árekstra í hálkunni