Snjór og hálka

Þó fyrsti vetrardagur sé ekki fyrr en á laugardaginn er veturinn samt kominn. Hálka og slabb alla leiðina milli Reykjavíkur og Selfoss í dag. Setti nagladekkin undir bílinn hjá tengdó á sunnudaginn og undir jeppann hjá mér í kvöld. Á morgun förum við svo með bílaleigubílinn sem við erum með í vinnunni og fáum snjódekk undir hann. Hika ekki við að brjóta lögin í þessum efnum ef ástæða er til.  Á mánudagsmorguninn sáum við einn bíl á nefinu úti í skurði í Ölfusinu og tvo útaf uppi á heiði. Í síðustu viku voru þrír útaf á heiðinni einn morguninn og í kvöld voru tveir útaf á leiðinni. Reynum endilega að halda okkur á veginum og ökum varlega.

Snjókoma á Hellisheiði og Þrengslum

Athugasemdir

[Hallfríður Jóna Jónsdóttir, 26.10.2008 kl. 13:23]

Það er um að gera að hafa naglana undir þegar þarf að fara yfir Hellisheiðina á þessum tíma.

Annars er mínum bara lagt í vetur.... Mynstrið á dekkjunum er að verða innfallið svo að KIA gamli stendur bara kyrr í innkeyrslunni.

Kv Haddý Jóna