Góður!!!

Hann hefði aldrei þorað þessu ófullur, heppinn að sleppa lifandi.

 

Drukkinn veiðimaður veiddi hákarl með berum höndum

Hræðilegt!!!!!

Þetta er bara hræðilegt. Af hverju verður fólk svo miklir einstæðingar að það man enginn eftir þeim?  Skildi þessi maður ekki hafa átt börn eða vinnufélaga sem hefðu átt að hafa samband við hann þegar ekkert heyrist frá honum í svona langan tíma? Ekki gott að segja, en svona lagað ætti ekki að geta gerst.

Látinn fyrir framan sjónvarpið í rúmt ár

Góður þessi

Hvar hefur blessaður maðurinn verið öll þessi ár, Hlýtur að vera svipaður karakter og Gísli á Uppsölum og ekki komið oft í bæinn.

Fjörutíu árum á eftir tímanum í umferðarmenningunni

Undarleg hegðun

Undarleg sú hegðun hjá fólki að láta reiði sína bitna á blásaklausu fólki eins og þeim sem nú búa og reka sitt fyrirtæki í Breiðavík. Annars er þetta mál allt hið sorglegasta og virkileg þörf á að skoða það ofan í kjölinn, ekki síst til að hreinsa mannorð þeirra sem voru þarna en áttu ekki hlutdeild í því sem þarna gerðist. En er ekki víðar pottur brotinn í samfélaginu? Eru ekki önnur heimili  sem eiga svipaða sögu? Tíðkast þetta kannski einhvers staðar enn? Við þessum spurningum þarf að fá svar sem fyrst.

„Má ekki gleyma mannlega þættinum í fjölmiðlafárinu“

Hetjur af bestu gerð

Þessi drengur er sannkölluð hetja og okkur hinum til fyrirmyndar. Eins er um alla hina sem fengu viðurkenningu í dag. Það er mikið lán að bjarga mannslífi og verðlaunin að sjá þann sem maður bjargar heilan á húfi ómetanleg. Svona samfélagsviðurkenning er einnig mikils virði og dæmið með þennan 8 ára dreng sýnir okkur svo ekki verður um villst að það er aldrei of snemmt að kenna rétt viðbrögð á neyðarstund. Ég tel að skyndihjálp ætti að vera fastur liður í skólanámsskrá grunnskóla allt frá 6 ára aldri og síðan upprifjun og útvíkkun á námsefninu á tveggja ára fresti upp allt skólakerfið. Ef það yrði gert er ég þess fullviss að í framtíðinni myndu flestir bregðast rétt við á neyðarstund og skilningur á störfum björgunarfólks á vettvangi myndi aukast.

Átta ára drengur hlaut viðurkenningu sem Skyndihjálparmaður ársins

Dýr dráttur

Það hefði verið ódýrara fyrir manngreyið að fá dráttarbíl eða bílaflutningabíl til að flytja bílinn milli staða. Einhvað þarf hann að borga í sekt fyrir utan prófmissinn

Með bíl í drætti á 105 km hraða

Ca 10 mannsævir

Maður spyr sig hvernig á að fara að því að láta manninn sitja af sér allan dóminn? Þessir dómar í USA eru náttúrulega bara fáránlegir. Þetta á að heita ævilangur fangelsisdómur án möguleika á náðun. Það er réttlát refsing fyrir þessa menn. 

800 ára fangelsi fyrir kynferðislegar misþyrmingar á þrem börnum

Uppbyggður kjalvegur

Ég held ég verði að vera sammála 4x4 félögum og fleirum í þessu máli. Mér finnst það ekki góð hugmynd að leggja hraðbrautir yfir hálendi Íslands. Það má að sjálfsögðu bæta aðgengi að ýmsum stöðum með því að byggja brýr og lagfæra vegslóða, en það má alveg skilja eftir eitthvað handa okkur jeppamönnunum. Ef farið verður í þessa framkvæmd verður þessi vegur ekki fyrir ferðamennina sem vilja kynnast öræfakyrrðinni heldur verður þessi vegur án nokkurs efa mest notaður af þeim sem þurfa að skjótast á milli landshluta og fyrir þungaflutninga. Sem sagt, kyrrð öræfanna rofin á þessu svæði með umferðanið. Ég held að það sé heillavænlegra fyrir þá sem standa að þessu fyrirtæki Norðurvegur ehf að beina kröftum sínum að því að sú leið sem nú þegar er milli Reykjavíkur og Akureyrar verði endurbætt og stytt með öðrum leiðum.

Félagsmenn í 4x4 mótmæla áformum um uppbyggingu Kjalvegar

Martröð vörubílstjórans

Þetta er með því óþægilegra sem fyrir getur komið á trailer, að missa vagninn aftanúr á ferð. Og þar að auki á umferðargötu. Mikil mildi að ekki fór verr, því að þó vagninn hafi ekki farið langt þökk sé bremsunum sem fara á þegar loftslangan slitnar þá hefði ekki þurft að spyrja að leikslokum ef smábíll hefði lent undir honum.

Tengivagn fór aftan úr vöruflutningabifreið

Stórfurðulegt

Að það skuli ekki hafa komist upp um hann fyrr. Ekki er eftirlitið með póstþjónustunni mikið þarna

Með 10 tonn af pósti heima hjá sér