Hafa lengra bil á milli bíla

Það er merkilegt að menn skuli þurfa að troðast svo nærri hver öðrum að ef einn stoppar lendir öll strollan í afturendanum hver á öðrum

Engan sakaði í fjögurra bíla árekstri

Athugasemdir

[Þorsteinn Sverrisson, 28.3.2007 kl. 21:33]

Ætli það sé ekki vegna þess að annars væri ekki pláss á götunum fyrir alla bílana.  Annars sagði ökukennarinn minn að maður ætti að hafa 1 metra fyrir hvern km hraða sem maður væri á.

[Jón Sigurgeirsson , 29.3.2007 kl. 11:00]

Já - alveg merkilegt. Það sagði mér maður að umferðarhraði hefði minnkað við tvöföldun Reykjanesbrautar. Það eru nefnilega allir í kappakstri á götunum. Svo eru bílstjórarnir sem eru fyrir framan sem reyna að koma í veg fyrir framúraksturinn með því að vera í raskatinu á næsta bíl. Það veldur svo því að menn hika við að treysta á tannhjólaregluna og öll umferðin verður hægari fyrir bragðið. Allir tapa. Það er ekki aðeins umferðarhraði sem veldur slysum. Það er tillitsleysi, æsingur og hrein vankunnátta í umferðarlögum.

[Birgir Þór Bragason, 30.3.2007 kl. 09:15]

Þetta er allt svolítið merkilegt. Umferðarhraðinn á nú sennilega lítinn þátt í upphafi hvers slyss. Hraðinn meiðir hinsvegar, en samt er það stöðvunarvegalengdin sem ræður mestu. Ef stangastökkvari lendir ekki á dýnu þar sem stöðvunarvegalengdinni er breytt úr millimetra í 10 til 20 sentimetra, er hætt við að hann stórslasist. Það er líka þannig með bil á milli bíla að ef bilið er langt, en ökumaður sofandi, þá verður höggið miklu meira en ef hann hefði verið alveg í stuðaranum á bílnum fyrir framan. Það er ekki nóg að hafa bil á milli bíla menn verða að vera vakandi fyrir því sem er að gerast fyrir framan bílinn sem er fyrir framan mann. Flókið :):) nei nei ekkert svo.