Vel gert

af starfsfólki barnaspítala Hringsins undir miklu álagi. Ég lenti sjálfur í því að ársgamall sonur minn fékk hitakrampa á þriðjudagskvöldið og var fluttur á bráðamóttöku. Þar tók á móti okkur frábært starfsfólk sem á heiður skilinn fyrir vel unnin störf. Við urðum reyndar að gera okkur það að góðu að gista í einu skoðunarherberginu á bráðadeildinni þar sem ég svaf í gömlum hægindastól en konan á skoðunarbekk. Strákurinn fékk síðasta rimlarúmið á sjúkrahúsinu. En þetta bjargaðist allt saman og stráknum er nánast batnað núna. Ég vil bara þakka þessu frábæra starfsfólki á bráðadeild barnaspítalans að ógleymdum lækninum og sjúkraflutningamönnunum hér á Selfossi.

 

Veikindi meðal barna